काठमाडौँ-राष्ट्रपति विद्यादेवी भण्डारीले कायममुकायम प्रधानसेनापति रथी पूर्णचन्द्र थापालाई आज महारथी दर्जाको दर्ज्यानी चिह्न प्रदान गरेका छन्।

राष्ट्रपति भण्डारी नेपाली सेनाको परमाधिपति हुन्।राष्ट्रपति भवन शीतलनिवासमा आज आयोजित विशेष समारोहमा उहाँले रथी थापालाई महारथीको दज्र्यानी चिह्न प्रदान गरी प्रधानसेनापतिमा नियुक्त गरेका हुन्।

शीतल निवासमा आइतबार आयोजित समारोहमा नेपाली सेनाका नवनियुक्त प्रधानसेनापति पूर्णचन्द्र थापालाई दन्र्यानी चिन्ह प्रदान गर्नुहुँदै राष्ट्रपति विद्यादेवी भण्डारी ।

राष्ट्रपति भण्डारीले नवनियुक्त प्रधानसेनापति थापालाई पद तथा गोपनीयताको शपथ पनि गराए। समारोहमा उपराष्ट्रपति नन्दबहादुर पुन, प्रधानमन्त्री केपी शर्मा ओली, उपप्रधान एवं रक्षामन्त्री ईश्वर पोखरेल र गृहमन्त्री रामबहादुर थापा उपस्थित थिए।

मन्त्रिगण, नेपाल सरकारका उच्च पदस्थ अधिकृत, सुरक्षा निकायका प्रमुखलगायत अन्य विशिष्ट महानुभावको समारोहमा उपस्थिति थियो ।
सरकारले साउन २४ गतेदेखि रथी थापालाई कायममुकाय प्रधानसेनापतिको जिम्मेवारी तोकेको थियो।

उहाँले सैनिक मुख्यालय जङगीअड्डा पुगेर आजै नेपालको ४३औँ प्रधानसेनापतिका रूपमा पद बहाली गरे।विसं २०१७ भदौ २५ गते लमजुङको गाउँशहरमा जन्मिनुभएका रथी थापा विसं २०३६ मा नेपाली सेनाको अधिकृत क्याडेटमा भर्ना भएका थिए।