जनकपुर । प्रदेश नं २ का उद्योग, पर्यटन, वन एवं वातावरणमन्त्री रामनरेश रायले प्रदेशमा बढ्दै गएको वनको दोहनप्रति चिन्ता व्यक्त गरेका छन् । मन्त्री रायले विभिन्न नाममा वनको दोहनले प्रदेशमा पर्यावरणीय र वातावरणीय समस्या जटिल बन्दै गएको बताए ।
उनले संघीय सरकारले आठ हजार हेक्टर वनका रूख काटी विमानस्थल बनाउने योजना अघि सार्नुले पनि प्रदेशको वातावरणीय समस्यामा जटिलता उत्पन्न गर्ने भएकाले प्रदेश सरकारले विमानस्थलका लागि चाहिने जग्गा अन्यत्र उपलब्ध गराउने आग्रह गर्दा संघीय सरकार उक्त आग्रहप्रति संवेदनशील नभएको बताए ।
वनको विनाशकै कारण पिउने पानीको सङ्कटका साथै पानीको मुहान सुक्दै सिँचाइको समस्यामा वृद्धि भई मरुभूमिकरणको सङ्केत देखिएको उनले बताए ।
मन्त्री रायले प्रदेश सरकार घरेलु तथा साना उद्योगलाई प्रवद्र्धन गर्न  तयार रहेको उल्लेख गर्दै सरकारले नीति तथा कार्यक्रममा पनि साना उद्योगको विकास गर्ने प्राथमिकता राखेको छ भने।