काठमाडौं । यौन दुव्र्यवहारको आरोप लागेका निवर्तमान सभामुख कृष्णबहादुर महरा पक्राउ परेका छन् । प्रहरीले उनलाई आइतबार साँझ बालुवाटारस्थित सभामुख निवासबाटै पक्राउ गरेको हो ।
महराकै मागअनुसार प्रहरीले उनलाई रातो रंगको निजी कारमा राखेर लगेको छ । सुरुमा प्रहरीले उनलाई भ्यानमा लैजान खोजिएको थियो । तर, उनले निजी गाडीमा जान खोजेपछि प्रहरीले १६ च २९५८ नम्बरको गाडी ल्यायो । तर, उनी आफैैंले प्रयोग गर्ने बा १८ च ४०० नम्बरको निजी गाडीमा गए ।
अब उनलाई महानगरीय प्रहरी वृत्त, सिंहरबारमा राखेर अनुसन्धान गरिने प्रहरीले जनाएको छ । यसअघि आइतबार विहान जिल्ला अदालत काठमाडौंका न्यायाधीश ब्रजेश प्याकुरेलको इजलासले महरालाई पक्राउ गरी अनुसन्धान गर्न अनुमति दिएको थियो । शुक्रबार महराविरुद्ध जाहेरी परेपछि प्रहरीले महरालाई पक्राउ गर्न अदालतसँग अनुमति मागेको थियो ।
